गडचिरोली : कोठी-कोरनार पूल दुर्घटनेप्रकरणी जबाबदार अधिकाऱ्यांवर तात्काळ फौजदारी गुन्हे दाखल करावेत आणि सार्वजनिक बांधकाम विभागाच्या अधीक्षक अभियंता नीता ठाकरे यांच्या कार्यकाळातील सर्व विकासकामांची व मालमत्तेची सखोल चौकशी करण्यात यावी, अशी मागणी गडचिरोलीत जोर धरू लागली आहे.
तक्रारदार: बहुजन रिपब्लिकन सोशालिस्ट पार्टीचे जिल्हाध्यक्ष मिलिंद बांबोळे यांनी १३ ऑगस्ट २०२६ रोजी यासंदर्भात तक्रार अर्ज दाखल केला होता.
प्रशासकीय कारवाई: प्राप्त अर्जांची गंभीर दखल घेत जिल्हाधिकारी कार्यालय (गडचिरोली) येथील मुख्यमंत्री सचिवालय कक्षाच्या विशेष कार्य अधिकारी स्मिता धलपत्रे यांनी १४ ऑगस्ट २०२६ रोजी हे पत्र पुढील योग्य कार्यवाहीसाठी मुख्य अभियंता, सार्वजनिक बांधकाम प्रादेशिक विभाग, नागपूर यांच्याकडे वर्ग केले आहे
निर्देश: सदर प्रकरणाची नियमानुसार सखोल चौकशी करून आवश्यक ती कायदेशीर कारवाई करण्यात यावी आणि त्याचा अहवाल मुख्यमंत्री सचिवालयाकडे सादर करण्याचे आदेश या पत्राद्वारे देण्यात आले आहेत.
